ஹே சினாமிகா...!

 



 

“ஹே சினாமிகா” ரிலீஸ் ஆகி இன்னியோட ஒரு மாசம் ஆகிடிச்சு. ஆனா, ஒ.டி.டி. ல நாலு நாட்கள் முன்னாடிதான் ரிலீஸ் ஆகியிருக்கு. அதனால இப்போ இந்த ரிவ்யூ சரியாத்தானிருக்கும். முதல் படத்தை இயக்கியிருக்கிற பிருந்தா மாஸ்டருக்கு வாழ்த்துகள். ஆஸ் யூஸ்வல் முக்கோண காதல் கதை தான். ஆனா, வித்தியாசமா சொல்லியிருக்காங்க.

 

துல்ஹர் சல்மான், காஜல் அகர்வால், அதிதி ராவ் மூணு பேருக்கும் நடுவுல ஆன் ஸ்க்ரீன்ல டப் காம்படீஷன்னா ஆப் ஸ்க்ரீன்ல டிரெக்டர் பிருந்தா மாஸ்டர், மியூசிக் டிரெக்டர் கோவிந்த் வசந்தா ஒளிப்பதிவாளர் ப்ரீதா ஜெயராமன் மூணு பேரும்  ஒருத்தருக்கொருத்தர் சளைக்காம வேலை செஞ்சிருக்காங்க.

 

பாண்டிச்சேரியோட அழக நாம பார்க்காத  அற்புதமான கோணங்கள்ல கேமரால பதிவு பண்ணியிருக்காங்க ப்ரீதா.  கோவிந்த் வசந்தா காதல் கதையோட உயிரோட்டத்தை படம் முழுக்க பொழிஞ்சிருக்கார். குறிப்பாக “யாரிசைக்க வருகுவதோ...” பாம்பே ஜெயஸ்ரீ அவர்களின் குரலில் இதயத்தை ஊடுருவுகிறது. பிருந்தா அவர்களுக்கு  முதல் படம்ன்னு சொன்னா நம்பவே முடியாது. கதை, வசனம், பாடல்கள் எல்லாத்துலயும் சூப்பரா ஸ்கோர் பண்ணியிருக்கார் மதன் கார்கி.

 

காஜல் அகர்வால், அதிதி ராவ் ரெண்டு பேர் கிட்டயும் முதிர்ச்சி தெரியுது அட... நான் நடிப்புல சொன்னேங்க.  இவங்க ரெண்டு பேரையும் தூக்கி சாப்பிடறா மாதிரி ஒரு பெர்பார்மன்ஸ் துல்ஹர் சல்மான். செம. தூள் கிளப்பிட்டார். குறிப்பா மனைவியோட சல்வார் கம்மீஸ போட்டு கிட்டு பார்ட்டில கலந்துகிற சீன்ல அதகளம் பண்ணியிருக்கார்.

 

படம் பத்து நிமிஷத்துக்கு முன்னாடியே முடிஞ்சிருக்க வேண்டியது. கடைசி பத்து நிமிஷம் மக்கள் இந்த முடிவைத்தான் விரும்புவாங்கன்னு நினைச்சிகிட்டு இழுத்தடிச்சது ஏன்?

இந்த தம்பதிக்கு பெற்றோர், கூட பொறந்தவங்க, அத்தை மாமான்னு சொந்தக்காரங்க யாருமே இல்லையா?

சொந்த வாழ்க்கையில சுற்றியிருப்பவர்களால மதிக்கப்படாதவர்கள் போய் சேர்ந்து தன்னை நிரூபிக்கும்  வேலை ஆர்.ஜே வேலையா? நிறைய படங்கள்ல பார்த்துட்டோமேன்னு தோணுது.

இதெல்லாம் படம் பார்க்கும் போது தோணினாலும் சிரிச்சிக்கிட்டே படம் பார்க்கிற ஜோர்ல கேக்க மறந்துடுது.

ஒருத்தரோட அறிவு, அழகு, கவர்ச்சியான பேச்சு இதையெல்லாம் பார்த்து வர்ற காதல் பின்னாள்ல ஏன் சுமையா மாறிடுது?  ஏன்னா அவங்க அதையெல்லாம் தூக்கி போட்டுட்டு  நாம சொல்றதை மட்டுமே செய்யற ரோபோவா மாறிடணும்ங்கிற எதிர்பார்ப்பு தான். கல்யாணத்துக்கு முன்னாடி தேனா இனிக்கிற பேச்சு கல்யாணத்துக்கப்புறம் தொனதொனப்பா மாறிடுது. நம்மளையே உலகம்ன்னு நினைச்சுகிட்டு அவங்க சுத்தி சுத்தி வரும்போது புரியாத அவங்களோட அருமை, அவங்க பிரிவுல புரியுது.  நான் சராசரியா வீட்டுல இருக்கிற பெண்களோட நிலைய  சொல்லல. படத்துல துல்ஹர் சல்மான்னோட நிலைய  தான் சொன்னேன்.

படம் ஜியோ சினிமாலயும் நெட்பிளிக்ஸ்லயும் ரிலீஸ் ஆகியிருக்கு.  கருத்துக்கும் காமெடிக்கும் பஞ்சமில்லை. தாராளமா பார்க்கலாம்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

நம்மையறிந்தால்...

படம்
  நானும் வாடிக்கிடக்கும் என் வலைப்பூவிற்கு தண்ணீர் தெளித்து புத்துணர்வு அளிக்க வேண்டும் என்று பல மாதங்களாக முயன்று கொண்டே இருந்தேன். நாட்கள் தான் போனதே தவிர உருப்படியாய் ஒன்றும் நடக்க காணோம். நேற்று, 2024 புத்தாண்டு பிறந்ததை காரணமாக வைத்து வலைப்பூவை புதுப்பித்து விடலாம் என்று ஓர் எண்ணம். என்ன எழுதுவது? நமக்கு நன்றாக வருவது அடுத்தவர்க்கு அறிவுரை தருவது தான்.  சரி, ஒரு அறிவுரை பதிவோடு மீண்டும் சமூகத்தொண்டை துவக்கி விட வேண்டியது தான் என்று யோசித்துக்கொண்டிருந்தேன். ஞாயிற்றுக்கிழமை இரவு  முதலே புத்தாண்டு வாழ்த்துக்களும், அது தொடர்பான பதிவுகளும் சமூக வலைத்தளப் பக்கங்களில் நிறைய துவங்கின. குறிப்பாக whatsapp statusல். அதில் இத்தனை வருடங்கள் இல்லாத ஒரு நல்ல மாற்றத்தை என்னால் காணமுடிந்தது.  வழக்கமான வாழ்த்துப்பதிவுகளோடு,  பலரும் சென்ற வருடம் தொடங்கிய போது அவர்கள் வாழ்க்கையில் எங்கே இருந்தார்கள், இப்போது எங்கே இருக்கிறார்கள், என்னென்ன சாதித்தார்கள் , என்னென்ன இழந்தார்கள் என்பதாக ஒரு சுய ஆராய்ச்சி செய்து பதிவுகளாக வெளியிட்டிருந்தார்கள். அவற்றில் பெரும்பாலானவை, சாதித்...
மேலும் படிக்கவும்

ஒற்றைக்கொலுசு (சிறுகதை)

படம்
 அ திகாலையில் வழக்கம் போல் எங்கள் பகுதியில் இருக்கும் பூங்காவிற்கு நடைப்பயிற்சிக்கு சென்றேன். அது ஒன்றும் பெரிய பூங்கா இல்லை. ஆனால், சிறியதாக இருந்தாலும் இந்த பகுதி மக்களால் நேர்த்தியாக பராமரிக்கப்பட்டு வருகிறது. சுற்றிலும், கொன்றை,நாவல்,அரசு முதலிய மரங்களும், நடைப்பாதையை ஒட்டி பலவகையான பூச்செடிகளும், ஒரு ஓரத்தில் குழந்தைகள் விளையாட சறுக்குமரம், ஊஞ்சல் முதலான சாதனங்களும், நடுவில் வட்ட வடிவில் செயற்கை நீருற்றும், சரியான இடைவெளியில் மின்விளக்குகளும், தண்ணீர் குழாய்களும் உண்டு. அதிகாலையில் நடைபயிற்சியில் ஈடுபடுவோர் மட்டுமே பெரும்பாலும் வருவார்கள். மாலையில் நடைபயிற்சி செய்வோர், விளையாட சிறுவர்,சிறுமியர், காற்று வாங்கி கதை பேச வருபவர்கள் என பலரும் வருவார்கள். நான் அலுவலகத்தில் இருந்து வர நேரமாகும் என்பதால் அதிகாலையிலேயே சுமார் பத்து சுற்றுகள் நடந்துவிட்டு போய் விடுவேன். மாலையில் என் மனைவி என் ஐந்து வயது மகனை அழைத்துக்கொண்டு வந்து மற்ற சிறுவர்களோடு விளையாட விட்டுவிட்டு, தானும் தோழிகளோடு பேசி பொழுதைப்போக்கி விட்டு வந்துவிடுவாள். இன்று நான் நடக்க ஆரம்பித்த போது, பூங்காவில் வயதான ஆண்கள் இரண...
மேலும் படிக்கவும்